Ռենտգեն 

Ռենտգենը կենդանաբուժական կլինիկաներում ախտորոշման համար ամենահաճախ կիրառվող միջոցներից, է, քանի որ այն կենդանաբույժին հնարավորություն է ընձեռնում հնարավորինս ոչ-ինվազիվ մեթոդի կիրառմամբ ստանալ մանրամասն տեղեկատվություն ճշտգրիտ ախտորոշման համար: Ռենտգենը կարող է օգտագործվել  սիրտը և թոքերը, կրծքավանդակի խոռոչի ներսում գտնվող մեծ անոթները, որովայնի առաջնային օրգանները և ոսկորները նկարելու համար:

Ստորև այն դեպքերն են, երբ անհրաժեշտ է ռենտգեն հետազոտություն կատարել՝ թոքաբորբ, օտար մարմիններ, հանգույցներ, որովայնի առաջնային օրգաններ, երիկամների/միզուղիների հիվանդություններ, կոտրվածքներ և այլն:

Խորհրդատվություն

Մենք տալիս ենք խորհրդատվություն բոլոր տեսակի կենդանիների առողջության պահպանման և ընթացիկ պլանային կենդանաբուժական միջոցառումների կատարման վերաբերյալ (շների, կատուների, նապաստակների, թռչունների, կրծողների, սողունների և այլն): Կենդանիների տերերի հետ իրենց կենդանու առողջական վիճակը քննարկելը  մեր գործելակերպի բաղկացուցիչ մասն է: Եվ, քանի որ կենդանիները չեն կարող խոսել, մենք բարձր ենք գնահատում այն, որ Դուք կարողանում եք տալ Ձեր կենդանու վիճակի վերաբերյալ հնարավորինս մանրամասն տեղեկատվություն, ինչն օգնում է հիվանդության ճիշտ ախտորոշման գործում:

Խորհրդատվության համար անհրաժեշտ է նախապես հերթագրվել կենդանաբույժի մոտ:

Առանց նախապես հերթագրման խորհրդատվությունը հնարավոր է, եթե անհրաժեշտ է կատարել անհապաղ կենդանաբուժական միջամտություն: Առանց նախապես հերթագրման խորհրդատվություն ստանալու դեպքում խնդրում ենք  նկատի ունենալ, որ հնարավոր է սպասելու անհրաժեշտություն առաջանա, քանի որ հնարավոր է չլինի ազատ կենդանաբույժ, ով կկարողանա Ձեզ անմիջապես ընդունել

Եթե Ձեր ընտանի կենդանին հիվանդ է կամ, եթե նրա մոտ նկատել եք թուլություն կամ որևիցե վնասվածք, առանց հապաղելու բերեք նրան կենդանաբույժի մոտ՝ ախտորոշիչ զննման համար: Մենք ամենայն ուշադրությամբ կզննենք Ձեր կենդանուն՝ հիմնական խնդիրը գտնելու համար, ինչի միջոցով էլ կկարողանանք վերականգնել նրա առողջությունն այնքան շուտ, որքան հնարավոր է:

Վիրաբուժություն

Մի՛ անհանգստացեք, եթե Ձեր ընտանի կենդանին վիրահատության կարիք ունի: Մեր կլինիկայի աշխատակազմն այստեղ է ապահովելու Ձեր կենդանու վիրահատության համար անհրաժեշտ բոլոր միջոցները: Մենք կվերականքնենք նրա բնականոն կենսակերպը շատ կարճ ժամանակահատվածում:

Նախքան այն, որ մենք կսկսենք որևիցե վիրահատություն, Ձեր կենդանին կանցնի մանրամասն հետազոտություն՝ հավաստիանալու համար, թե արդյո՞ք նրա օրգանիզմը  բավականաչափ առողջ է՝ վիրահատությանը դիմադրելու և բնականոն կենսակերպ հետ վերադառնալու համար: Այնուհետև, մեր հմուտ մասնագետները կմշակեն ցավի կառավարման անհատական պլան, բացառապես նախատեսված Ձեր ընտանի կենդանու համար:

Մենք օգտագործում ենք ամենաանվտանգ անզգայացնող միջոցները, որոնք տրվում են մեր հոգատար անձնակազմի վերահսկողության ներքո: Մենք Ձեր կենդանու համար կապահովենք որքան հնարավոր է անցավ միջամտություն: Վիրահատության ընթացքում մեր կենդանաբույժերը պահպանում են վիրահատական խնամքի ամենաբարձր չափանիշները և կենտրոնանում են իրենց լավագույն վիրաբուժական փորձի և մեթոդների կիրառուման ապահովման վրա::

Մեր վերապատրաստված կենդանաբույժերը մանրազնին հետազոտության կենթարկեն Ձեր կենդանուն՝ հավաստիանալու համար, արդյո՞ք նրա սրտի աշխատանքը և օքսիգենի մակարդակը նորմայի մեջ է, թե՝ ոչ, որից հետո միայն կկատարեն որևիցե կենդանաբուժական միջամտություն:

Վիրահատության ավարտից կարճ ժամանակ անց մենք կկապվենք Ձեզ հետ՝ տեղեկացնելու, թե ինչպես է ընթացել միջամտությունը և թե երբ հնարավոր կլինի դուրս գրել նրան:

Երբ Դուք կժամանեք՝ Ձեր կենդանուն տանելու, մենք կտրամադրենք խորհրդատվություն հետվիրահատական խնամքի և ցավի կառավարման վերաբերյալ՝ առողջության լիարժեք վերականգնումն ապահովելու համար:

Անզգայացում

Մենք օգտագործում ենք ամենաանվտանգ անզգայացնող միջոցները կատարվող միջամտությունների հավելյալ արդյունավետությունը և ապահով ընթացքն ապահովելու համար: Յուրաքանչյուր անզգայացնող միջոց, որն ընտրվում է մեր կենդանաբույժի կողմից, բացառապես հարմարեցվում է տվյալ կենդանու առողջական վիճակի հետ: Յուրաքանչյուր կենդանու կենսական նշանների առկայությունը շարունակաբար վերահսկվում է անզգայացման ժամանակ՝ հենվելով մեր բանիմաց կենդանաբույժերի հմտությունների և մեր անզգայացնող սարքավորումների բարձր որակի վրա:

Ատամնաբուժական խնամք

Ձեր կենդանու համար լավ ատամնաբուժական խնամքը առանցքային կաչևորություն ունի: Առանց պատշաճ խնամքի և ուշադրության, Ձեր կենդանու ապատմները և լնդերը կարող են հենք դառնալ բակտերիաների համար, ինչը կարող է հանգեցնել մի շարք խնդիրների՝ պատճառ դառնալով կենդանու ամբողջ մարմնի թուլության և հյուծվածության համար. օրինակ՝ սրտի անբավարարություն, աղիքային ինֆեկցիաներ, լյարդի և երիկամների հիվանդություններ, լնդերի հիվանդություններ, ինչպես նաև Պարոդոնտոլոգիական հիվանդություն, որը բնորոշ է շներին և կատուներին՝ կանխարգելելի է, եթե պարբերաբար ապահովվում է ատամնաբուժական խնամք: Եթե անգամ երբևէ չեք հետևել Ձեր կենդանու ատամների առողջությանը, երբեք ուշ չէ սկսելու համար: Մենք ունենք այն ամենն ինչ անհրաժեշտ է Ձեր ընտանի կենդանուն՝ առողջ բերանի խոռոչ ունենալու համար: Մենք ապահովում ենք մասնագիտական ատամնաբուժական ծառայություններ, այդ թվում`ընթացիկ և կանխարգելիչ խնամք, ինչպես օրինակ, ատամնաքարերի մաքրում, փայլեցում, ատամի հեռացում, հետազոտություններ, բերանի խոռոչի բուժում և այլն:

Մեր մասնագիտական կազմն անցել է կենդանիների ատամնաբուժական խնամքի վերաբերյալ մասնագիտական վերապատրաստում: Մենք օգտագործում ենք նորագույն տեխնոլոգիաներ՝ բարձր արդյունավետություն ունեցող ատամնաբուժական խնամք ապահովելու համար: Մեր կենդանաբույժերը սիրով կտրամադրեն խորհրդատվություն մինչև հերթական այցելության օրը տնային պայմաններում Ձեր կենդանուն անհրաժեշտ ատամնաբուժական խնամքն իրականացնելու համար:

Ատամնաբուժական հիգիենան կենդանու ընդհանուր առողջության պահպանման անբաժանելի մասն է: Ճիշտ խնամքը ներառում է պարբերական մաքրումներ և առնվազն տարեկան մեկ այցելություն կենդանաբույժին՝ ստուգման և ատամնաքարերի մաքրման համար:

Մեր կլինիկայում իրականացվում է նաև ատամնաքարերի հեռացում: Ծառայությունը կատարվում է շատ արագ, սակայն, անզգայացումից հետո պահանջվում է կենդանուն պահել կլինիկայում՝ վերահսկողության ներքո:

Մենք նաև ունենք կենդանիների ատամնաբուժական խնամքին վերաբերող բոլոր անհրաժեշտ պարագաները, և եթե ցանկանում եք Ձեռք բերել դրանք, խնդրում ենք տեղեկացնել ադմինիստրատիվ օգնականին: